Домбыра сыры.

Домбыра — қазақ халқының жан сезімі, жан серігі.

Домбыра — көшпелі елдің көне көз шежіресі, көпті көрген қарияның көкірек күйі. Ол халықтың тарихи тағдырымен тамырлас.Домбыра — қазақтың ішекті музыкалық аспабы. Басты мақсат жасөспірімдерге домбыра үнімен, домбыра сарынымен тегін білуге үйрету болды. Себебі домбыраның бойында ата-бабаның рухы жатыр. «Домбыра деген – қазақ, қазақ деген – домбыра» деген теңеудің жаны бар.  Мектебімізде үш жылдан бері домбыра үйірмесі жүргізіледі. Мектебіміз орыс тілді. Мұнда тек қазақтың қара домалақ балалары ғана емес, өзге де ұлт оқушылары да  қатысатындығы көз қуантады. 

Үйірменің негізгі мақсаты өзінің тілін, дінін, дәстүрін, өнерін, әдеп- ғұрыптарын біліп қана қоймай, халқының асыл қазынасының мұрагері сезінетін, өз елін, туған жерін, ата мекенін сүйетін

Қазақстан Республикасының азаматын тәрбиелеу.

Осы үйірмеге келетін балалар менің ойымша, адамгершілігі биік,  тәрбие алған балалар. Менің мақсатым – маған келетін оқушылардың қазақ тіліне, өнеріне, дәстүріне, ұлтына, салтына деген махаббаттарын оятып, рухтарын биік ұстату. Сабақ барысында мен оқушыларыммен қазақша сөйлеймін, қазақша түсіндіремін. Басқа тілде домбыраны үйрету мүмкін емес. Оқушыларым да «әпкей» деп сыйлап, үлкендермен амандасып өздерінің ізеттілігін білдіреді. Үйірмеге қатысатын оқушылардың 90 пайызы ер балалар. Меніңше, ер бала келешек ер азамат, еліміздің тірегі, болашағы, сондықтан да, оларға қойылатын талап-мақсат жоғары. Үйірменің ерекшелігі музыкалық мектептерде ешқандай дәріс алмаған, нота білмейтін балалардың музыкаға деген қызығушылығын арттырып, оларға қазақтың ұлттық  аспабы – домбыра бойынша дәріс беру мүмкіндігіміз бар.

   Оқушыларымыздың болашағы нұрлы болғай!Әрине біздің қаламызда орыс мектептерінде,  осындай бағдарламамен жұмыс жасайтын әсіресе өзге ұлт балаларын үйрету, қосымша білім беру үйірмелері көбейсе  нұр үстіне нұр болар еді.

 

 Қазақ тілі пәнінің мұғалімі: Телғазиева Айнұр Бостанбекқызы.