ТУҒАН КҮНІҢМЕН ГИМНАЗИЯ

     Мен №40 гимназияда оқимын. Бұл жер менің екінші үйімдей. Жаныма жақын достарым, мейірімді ұстаздарым, көңілді сәттерім, өзім қатысып жүрген түрлі мәдени-тәрбиелік іс – шараларым мені жылдан – жылға есейтіп, гимназияға деген құрметімді жыл санап арттыруда. Гимназияның туған күні. Бұл біздің сынып үшін өте маңызды күн. Мен «Тамшылар» вокал группасымен алғаш мектепке қадам басқан гимназия түлектерін қабылдау іс – шарасына қатысып «Гимназия Гимнін» орындадық.

     Мен гимназияны және мектеп директоры Марина Васильевнаны да құттықтағым келеді. Себебі біздің нәтижелі білім алып, болашағымызға сапалы баспалдақтар қадамын жасауымыз үшін, жан-жақты дамуымыз үшін бар жағдай жасалуын басшылыққа алып отыр.  Мектепте күн сайын көңілді оқиғалар  болады. Мектептегі әрбір адам мен үшін маңызды. Директор, мұғалімдер, дәрігер мен аула тазалаушылар, күзетшілер мен құқық қорғаушылар барлығы біздің гимназияда алаңсыз білім алуымызға атсалысуда.
     Сүйікті гимназиям! Сені Гимназия күнімен құттықтаймын. Өзіңнен алған білімімді шыңдап, әлі  түлегіңнің атымен сен мақтанатындай дәрежеге жетемін деп уәде беремін!

Асима Рәпілбек 4 "А"