Ұстаз – ең керемет мақтаныш

     Адамның адамшылдығы - жақсы ұстаздан болады, - деп, Абай атамыз айтқандай, «Ұстаз - ең қастерлі ұғым». Ұстаз – барлық мамандық иесін тәрбиелейтін, оқытып үйрететін абзал жан. Ұстаз алдынан тәрбие алмайтын жан жоқ. Атап айтсақ, ғалым да, ақын да, дәрігер де, ғарышкерде,құрылысшы да бәрі-бәрі ұстаздан білім алады , сондықтан ұлағатты ұстаздарға бүкіл адам баласы құрметпен бас иеді. Біз сияқты мыңдаған бүлдіршіндердің бойына білім нәрін сеуіп, таудай азамат етіп шығаратын ұстаздарға барлық адамзат баласы борыштар деп ойлаймын.

     Әр адамның сүйікті ұстазы болады. Ал, менің сүйікті ұстазым, әрі алғашқы ұстазым – Құралай Құрманғазықызына айтар алғысым шексіз. Алғашқы ұстазым мектеп табалдырығын аттағаннан бастап, жан жылуын төгіп, бар білгенін үйретті. Ешкімге ұқсамайтын еңбекқор, адал, білімді және мейірімді жан. Бәрімізді өз баласындай көреді, ақыл айтып отырады, білмегенімізді үйретеді. Арасында ұрысып алатыны да бар. Оның әрбір сабағы қызықты да, сапалы болып өтеді. Өмірде өз анаңнан кейінгі қадірлі тағы бір адам болса, ол—ұстаз.
     Мен ұстазымды мақтан тұтамын! Ойымды: «Мен үшін жақсы ұстаз бәрінен де артық, өйткені мұғалім – мектептің жүрегі» деген ұлы ағартушы Ы.Алтынсариннің сөзімен қорытындылаймын. Сондықтан да, ұстаздарыма зор денсаулық, қажымас қайрат, аянбай еткен еңбектеріне жеміс, шығармашылық табыс тілеймін!

Диас Алдамберген 4"А"