Аса қадірменді ұстаздар! Қымбатты оқушылар, ата-аналар және барша қазақстандықтар!

Сіздерді бүгінгі жарқын да қуанышты, айтулы мереке – Білім күнімен құттықтаймын! Білім күні – барша халықтың дәстүрлі мерекесі. Бұл күні жаңа бұлақ көздері ашылады, өмірдің келесі баспалдағына қадам басылады, ұстаздардың ұлы жүректерінен мейірім ұшқыны шашырайды. 

Білім аламын деген бүлдіршіндер, ілімге сусындатамын деген мұғалімдер білім ордасына асығады. Мұғалімдер мен оқушылардан бөлек, жүректері алып ұшқан тағы бір халық ол – ата-аналар. Ұл-қыздарын жетектеп, аса бір үлкен үкілеген үмітпен ұстаздарға тапсырады. Ал бұндай жауапкершілікке лайықты өмірде бір-ақ маман иесі бар. Ол –Ұстаз! Ұстаз – ақ пен қараның ара жігін ажыратар, өмір мектебіне жолдама беретін жан.

Осындай жауапкершілікті мойнына алып отырған тұлға, мамандығына құрметпен қарайтын жұмыскер, оқушыларын білімге бастайтын мұғалім ретінде барлық Ұстаздар қауымын 1-қыркүйек – Білім күнімен құттықтаймын! Келе жатқан оқу жылы жемісті, жеңісті, табысты, абыройлы болсын демекпін. Мектебіміздің мәртебесі биік, ғұмыры ұзақ болғай. Мерекелеріңізбен!

Қазақ тілі мен әдебиеті пәнінің мұғалімі Раймқұлова Ақтоты Азаматқызы